2020-09-20 冰山佇頭前！

 

歐洲、美國的海運路線，經過冰山浮游的海面。

 

        1912年4月14日半暝，「袂沉的船」、奢華郵輪鐵達尼號(Titanic)在北大西洋撞著冰山，船沉，船上1502人喪失生命。
        格陵蘭(Greenland)有真濟冰山、冰河。
1 遐的冰河的冰裂開，浮佇海中變做冰山，平均每年有500座。
2 浮佇海的冰山，水面上只有13%，接近9成攏佇水面下。
3 海中的冰山，會浮1-3年，順海流到北大西洋船經過的路線。
4 海中浮的冰山，船上的人靠目睭看，和附近的船通知來知。
    船沉以後，根據活啲的    1912年4月14日半暝，「袂沉的船」、奢華郵輪鐵達尼號(Titanic)在北大西洋撞著冰山，船沉，船上有1502人喪失生命。
        格陵蘭(Greenland)有真濟冰山、冰河。
1 遐的冰河的冰裂開，浮佇海中變做冰山，平均每年有500座。
2 浮佇海的冰山，水面上只有13%，接近9成攏佇水面下。
3 海中的冰山，會浮1-3年，順海流到北大西洋船經過的路線。
4 海中浮的冰山，船上的人靠目睭看，和附近的船通知來知。
        船沉以後，根據活啲的人所講的，咱來了解整個事件。
1 Titanic郵輪初次出航，對英國Southampton欲駛去紐約。
2 Titanic是蒸氣推動、當時上大的船，有電報的通信新科技。
3 1912/4/14，Titanic攏總收著6封電報，講海面滿是浮冰。
4 收著第二封有浮冰的電報，船長有換卡偏南的方向駛。
5 彼暝無月娘，郵輪用22節(24 mph)的速度快速啲駛。
6 10:30pm最後電報講，傷濟浮冰，船袂當駛，電報員講 ”莫吵”。
7 11:40pm看著冰山的時，已經袂赴來閃，船和冰山相撞。
8 船破孔，人坐救生船逃命，總是救生船不足，有人跳海。
9 船撞著冰山以後2點鐘，船沉，將近7成的人死在海裡。
10 船沉後1點半鐘，附近的船趕來救，跳落海的人攏喪失性命。
        Titanic沈船事件上大的失誤是，接著6封浮冰的警告，表示必然會抵著冰山，也無做適當的處理。
        上帝愛以色列人趁律例、守誡命，閣提出警告(利26:3)；總是以色列人拜偶像、行姦淫、不公不義，上帝一再差先知去苦勸，警告in會 ”流落佇天下萬國” (耶24:9)，最後果然國家滅無。
       武漢肺炎危險若冰山，真早就有濟濟人傳人的案例，無警覺採取預防的國家，人民性命攏受威脅。減采這是上帝，借這給咱警告、處罰；也可能是伊的恩惠，因為這，咱通體認病毒的危險，決心找出伊的來源，閣來除去。

 

***補充記事。
1 作家Louise Patten佇她的小說Good as Gold中講著這個事件，伊是Titanic郵輪二副的查某孫，伊的阿公佇船難中有得著救。
2 當時有帆船和新的蒸汽船，兩款船指示船的轉踅(tńg-se̍h)命令相仝，但是意思倒反(tò-péng )。Titanic是汽船。
3 Titanic大副看著冰山的時，指示船轉向倒爿(tò-pêng)，他用指令hard a-starboard，適用佇帆船。
4 舵公(tāi-kong)掠準伊用汽船的指令，給船踅正旁。雖然馬上發現來訂正，已經傷慢啦。

對帆船，hard a-port指示將舵囥佇port彼邊(倒邊)，這時船轉正旁。對汽船，hard a-starboard互船正轉。