Taigi 讀聖經

      耶穌佇地上做三件非常重要的代誌 ： 1 傳福音：包含傳道、醫病、趕鬼，互地上體驗著天國的實際。 2 訓練學生：(1)呼(kho͘)做團契，傳授真理知識 (2)做互怹(in)看，互怹體驗真理 (3)實習，派學生出去宣教、醫病、趕鬼 (4)事後檢討。 3 為世間人贖罪：伊為咱死、閣活，互死無閣掌權。     為著訓練學生續接伊傳天國的福音，耶穌用伊的行做互怹學 。 1 認捌家己：伊知影家己降世的目的、身份和使命。 2 積極行動：伊無嫌苦，四界傳道、醫病、趕鬼；最後閣上十字架。遮個行動表明上帝對人的疼，也顯出上帝的權能和榮耀。 3 和人和睦：(1)伊拍開心門，和人分享伊的憂傷，互人感覺自在和信任 (2)伊坦白對四圍的人，無論是知識份子、貪官、妓女，怹攏歡喜來綴伊 (3)伊和怹做伴，為怹祈禱、服事怹。     腓力是實用主義者 。伊熱心，追求真理，無合理氣就無接受，致到受束縛(pa̍k)，有時躊躇，有時看著負面，無積極去解決問題。 1 耶穌抵(tú)出來傳道，抵著腓力，給伊講：綴我(約1:43)。 2 耶穌召伊做學生了後，伊隨去報伊的朋友拿但業。伊承認耶穌是應允的彌賽亞，總是不過是“約瑟的囝拿撒勒人耶穌”(約1:45) 3 耶穌行神跡互五千人食飽。伊有先問，欲對叨落買餅來互怹食？伊應講，用二百銀買餅，亦無夠互逐人得著淡薄(約6:1–14)。 4 有耶路撒冷的希臘人愛捌耶穌，伊去給安得烈講(約12:20-22) 5 最後的晚餐了，耶穌講伊會離開怹，會閣來接怹，閣講恁捌我，就亦捌爸，亦捌看見爸，腓力求耶穌用爸互怹看(約14:1-11)。 6 腓力是"水變酒"及"飼飽五千人"神跡的見證人，是耶穌主動召的，亦是三年中暝日做伙的。過頭謹慎，互伊 的 心目受掩勘(am-khàm)。 7 耶穌閣活的消息，將四散的學生閣呼做伙；伊閣出現佇怹中間，衝擊怹固執的心，一時曉悟主平素講的話。通過祈禱，以及聖神做工，怹攏轉變，勇敢續接先生，四界宣揚天國的福音。

      以色列王亞哈激上帝受氣 ，伊𤆬百姓拜金牛、巴力、亞舍拉。 1 以利亞讖語炕旱(khòng-hān)無雨。上帝叫伊去匿(bih)基立溪邊，互烏鴉飼。溪水乾，叫伊去守寡 (chiú-kóaⁿ) 人遐。上帝互伊的麵粉、油攏無減。(王上17:9) 2 守寡人的囝破病，氣斷。以利亞求上帝，囡仔就回魂。 3 第三年上帝叫伊倒去。伊和亞哈、百姓，巴力的先知上迦密山求雨。巴力的先知起壇求叫巴力，總是無應答。以利亞起的壇閣祭物，上帝降火燒了一切。百姓仆(phak)拜耶和華，刣(thâi)死巴力的先知。 4 以利亞祈禱上帝七擺，雲對海過來，遮天、起風，就落雨。 5 王后耶洗別威脅欲刣伊。伊逃去曠野，佇樹腳吐氣、睏去。天使叫伊起來吃餅、啉水，然後伊行40暝日到西乃山，匿佇山洞。 6 耶和華叫伊出來，互伊看著伊的大權能(風透、山崩、石拍碎、火)，叫伊去給新的亞蘭王、以色列王，續接伊的以利沙抹油。 7 亞哈的囝破病欲問巴力，伊責備伊，天降火燒死欲掠伊的兵。 8 最後伊坐捲螺風上天，續接的以利沙求閣得著雙份感動伊的神。     以利亞有信心、祈禱有力，伊互百姓的心越倒轉 (雅5:17-18)。行洗禮的約翰亦有這款的心神、才能(路1:16,17) 1 以利亞的一生對上帝充滿信心：伊的祈禱，上帝應允。 2 伊相信上帝的攝(liap)理：匿佇基立溪邊、及守寡人遐，伊攏無受害。 3 炕旱的時伊匿溪邊，靠上帝一日一日的供應(藉烏鴉)；溪水一日一日減少，到 溪水乾，伊等待耶和華的話才振動。 伊學習 忍耐、 等待、謙卑、順服、遵趁上帝的旨意。 4 守寡人偆上尾一頓，伊靠信心講：雨落以前，麵粉和油攏袂減。 5 當寡婦的囝死，伊求上帝無因為伊降災禍；伊和咱有相仝的心。 6 伊祈禱，迦密山頂上帝顯出權能，互百姓免受巴力崇拜來迷惑。 7 伊也有人的軟弱：驚惶、失志、僥疑、絕望。迦密山事件了，伊受性命的威脅，信心搖動、心冷，選擇逃命閣求死。佇西乃山，上帝互伊明白伊掌管天地，閣人類歷史，互伊回復信心。

      上帝定著逐人一個計畫 。伊應允咱一生有伊的眷顧、攝(liap)理(provision)相綴(tòe)，互咱有能力有才調，完成伊互逐人無像(siâng)的計畫。 1 咱猶未(iáu-bōe)出世，上帝已經給咱的計畫寫佇伊的冊(詩139:16)。 2 上帝的信實，欲成伊應允的計畫(詩100:5)。咱需要的特質，到時就造佇咱身上(詩139:13)，閣佇咱的一生，安排經歷的逐坎 站 (khám-chām)，安排受造就的機會，來成伊的計畫。 3 當咱順服、信靠伊，就欲成伊佇咱身上所計劃的。     上帝揀選摩西，互伊𤆬(chhōa)以色列人，去到應允的迦南地 。上帝互伊有才調通𤆬眾百姓，有智識通教 怹(in) 遵守上帝的律法。 1 40歲以前：摩西佇王宮受教育，學習埃及人攏總的學問，講話行代誌攏有才能。為著正義，伊拍死欺負希伯來奴才的埃及人。 2 以後40冬：伊佇山裡顧羊，培養著謙卑、溫柔的個性。等待伊的性地改變，上帝佇𤏸(to̍h)火的刺柿(phè)中，召伊出來救百姓(出3-4)。 3 最後40冬：𤆬以色列人離開埃及，40冬佇曠野，直到咧欲 (teh-beh) 進入迦南地。伊教 怹 守律法，設管理制度，做好入應允的地的準備。       上帝欲互世間人知，伊的念頭呣(m̄)是咱會測度(to̍k) (賽55:8-9)。約伯問"歹代汰會發生佇好人？"上帝講，伊有至高的主權(羅9:15)。 1 約伯好額，伊完全閣正直，敬畏上帝，離開歹代(伯1:1)。 2 忽然，佇一日內伊失去所有的財富、囡仔。雖然大扒腹(pek-pak)，伊深信一切是上帝賞賜，上帝有權提倒去(伯1:21) 。 3 後來，伊對腳到頭生毒瘡受拖磨，伊的某講：棄絕你的上帝，來去死。伊回應：咱對上帝受福氣，豈無對伊受災禍嗎？(伯2:10) 4 伊的朋友和伊辯論， 怹 認為伊一定有犯罪才會受刑罰；伊相信上帝的信實，堅持家己無罪，總是愛知歹代汰會到佇伊(伯13:15) 。 5 最後上帝給約伯講，伊造萬物， 怹 的性人閣呣知，何況(hó͘ng)其他的事(天頂的)，約伯謙卑講，伊講伊所呣知的代誌(伯40:15-42:6)。 6 上帝閣一遍賞賜伊財產、囝兒(伯42:10-16)。咱若順趁(thàn)上帝的旨意，佇試煉中信靠伊，就欲閣卡體會伊的大權能(伯42:5)。  

      主禱文：莫得𤆬(chhoā)阮入佇試；著救阮脫離彼個歹的(太6:13) 。試探和試煉無像；試煉互人經歷困難，得著成長；試探是引誘人犯罪，試探呣是對上帝來(雅1:13)，引誘(試探)可能出對家己的私慾(雅1:14)，世間的風俗，抑是魔鬼(弗2:2)。    對美國人面對引誘的態度( 2013年調查 )，會知 怹(in) 的道德觀 。 1 新時代的引誘：用傷濟時間佇媒體(網路、電視和電子耍的程式)(44%)、用電子媒體對別人表示不滿(11%)。 2 傳統的引誘：吃物(55%)、開錢(44%)、講閒仔話(26%)、怨妒(24%)、色情媒體(18%)、白賊(12%)、酒/毒(11%)、性關係(9%)。 3 空課上的試探：煩惱(60%)、拖沙(60%)、貧憚(pîn-tōaⁿ)(41%)。 4 為啥接受引誘：呣知(50%)、逃閃現實(20%)、我歡喜(20%)、有伴(8%)、別人的期待(7%)、成功的路(2%)、無堅持(1%)、罪(1%)。     美國人普遍感受工作上的壓力及試探：憂心、延遷、荏爛(lám-noā) 。 1 美國人無認為這是罪，但是承認這個事實。60%美國人表示為空課煩惱，60%表示受延遷試探，41%表示容易變荏爛，無拍拼。 2 千禧世代(1984-2002出世)卡為這扒腹(pek-pak)，老一輩的卡無這問題。     美國人對引誘的看法和聖經有真大的精差 。1%認為屈服引誘是罪造成，大多數認為引誘不過是人生的風波，著想辦法控制。 1 引誘範圍改變：咧欲一半的人受電子式媒體、非實體的引誘。 2 引誘無需要閃避：千禧世代認為，受媒體的影響，以及價值觀隨時改變，是正常的， 怹 亦承認容易受各種的引誘。 3 道德觀：承認佇職業道德方面受引誘(拖沙、荏爛)，相對來講，真少人承認有怨妒、刻薄、受性的引誘，遮個攏是卡嚴重的。 4 卡濟男性看色情媒體，女性卡憂心、講閒話、開錢、怨妒、吃。 5 基督徒抵著引誘會抵抗：18%藉祈禱，5%揣伴講話，其他的人靠家己解決，有的用理性/考慮後果、對引誘/家己講"NO"、抑是無插(chhap)引誘，有的去做其他的代誌、散步、聽音樂、看聖經。 參考資料： https://www.barna.com/research/new-research-explores-the-changing-sha