2021-7-4 服事、閣顧人怨？

 

     林後12:1-10講著保羅上第三層天、樂園，閣伊身軀有一隻刺。
1 保羅講起異象及啟示(12:1)，是欲互哥林多信徒知，伊是真使徒。
2 異象：一人去第三層天；閣一人去樂園，聽見呣通講的話(12:2-4)
3 保羅講，異象中的人是通誇口，總是伊誇口家己的軟弱(12:5)。
4 14冬保羅無講遮個，是無愛高舉家己，無愛人看伊傷(siuⁿ)過頭(12:6,7)
5 保羅講伊肉體內有刺，是欲免得伊自高，因為伊得著大啟示(12:7)
6 保羅三擺求主，互刺離開。總是主講：有我的恩你就夠額(12:8,9)
7 保羅誇口伊的軟弱，因為軟弱的時，主的氣力就蹛佇伊(12:9,10)
    哥林多後書的最後，保羅講起伊過去無講的經歷，因為：
1 假使徒入教會，講異象及啟示，稱呼家己"上等使徒" (12:11)
2 教會出現問題：相爭、怨妒、結黨、誹謗、講尻脊後話、紛亂(12:20)
3 假使徒比保羅閣卡𠢕(gâu)講、有吸引力，信徒無選擇保羅。
4 保羅行兆頭、神蹟、權能，總是哥林多信徒無接納伊做使徒(12:12)
5 保羅佇哥林多蹛1冬半，人看伊並呣是萬能，也無遐互人感動。
6 為著顧守主的見證，閣辯解伊的使徒身分，保羅選擇講伊的經歷
    保羅無驚軟弱、閣誇口伊的軟弱，掠欠缺、困迫做歡喜，因為
1 伊軟弱的時，是欲互伊知家己的有限，呣通自高，著倚靠主。
2 伊軟弱的時，主欲遮閘(jia-cha̍h)保護，互伊免驚惶。
3 伊軟弱的時，主欲顯出能力、榮耀，互伊反轉有氣力。
    有才調親像保羅，也互哥林多信徒嫌，這通做咱的警戒。
1 承認家己有欠缺、弱點，認捌(bat)家己無夠額的所在。
2 聯合別人的特長，來補足家己所欠的，建立同伴的關係。
3 了解無像的觀點，無放捒聖經的教示，無用相爭處理問題。
4 受召做主的工，並呣是一開始，就會完全做好。
5 用誠實的態度對待家己、團體、上帝，就會做上好的事奉。
6 著確認受召來事奉的職分，閣確認家己的弱點，就欲得著氣力。
7 建立事奉的團隊，聯合受召有恩賜的人，成做一體。