2021-3-21 拍破外殼、結果子

 

    一粒麥無落佇地裡來死，就猶原一粒若定，死，就結實濟濟(約12:24)。主耶穌用麥仔死、結實，表明伊的死，將性命互信伊的人。
    基督若麥仔，落佇地裡來死，"死"的意思：
1 死是棄捒舊的人(相爭..)，換做新的人(撙節..)(加5:19-23)。
2 死是放棄一切世上的纏絆，無為著家己的性命、利益拍算。
3 死是為著拍破麥仔殼，互內面的性命得著敁(tháu)放。
4 死呣是結束，是對一款性命、變做另外一款性命的交界。
    麥仔是種子，拍破外殼，生命就露現。咱著變換親像種子。
1 外殼：是舊性命的罪性；親像冷淡、怨恨、追求享樂、富貴等。
2 麥仔落佇土以後，外殼朽爛，裏面的性命才會敁放。
3 落佇地、死、破殼，一切重新開始，才袂會受舊的人所影響。
4 破外殼，脫離罪及死，是靠活命聖神的法，感化閣引𤆬(羅8:2)。
5 破殼以後暴出的芛(新性命)，軟勢閣有韌性，有智慧克服阻礙。
    麥仔死、才來結實的譬喻，啟示咱：
1 落在地裡死，外殼才會破，才會結出濟濟麥實。
2 無落在地裡，抑是外殼無破，麥仔永遠是一粒。
3 高舉的十字架，引𤆬眾人就近主(約12:32)。眾人是麥仔結的實。
4 主的死、呣但(nā)贖罪，閣卡積極的目的，是為了互咱新的性命。
5 主流血，除咱的罪；麥仔結實，進一步講，伊的性命入到咱內面。
6 咱也是種子，土是做工的場所，互咱佇遐來結實濟濟。
7 人子受舉起，若摩西舉起銅蛇；表示主的死，也刣贏彼隻古蛇。
    著惜新的性命，若閣疼家己的舊性命，就欲喪失伊(約12:25)。
1 舊的性命：人的心思、意志等等，就是人的自我，肉體的性命。
2 疼舊的性命：就是順家己所愛的，放縱去做、無站(chām)節。
3 喪失伊：失去來世、失去永活、失去真正的享受和喜樂。
    咱也是別人所結的果子，向望咱也會跋(po̍ah)落地，結果子，用百般的吞忍，盡職，互活命的道相绁(saⁿ-sòa)。