2022-10-9 著祈禱、著行動

 

    穿上帝所賜全副的戰甲，閣祈禱，來抵敵魔鬼詭計(弗6:18-20)。
1 用逐樣的祈禱及懇求，時時佇聖神來祈禱；警醒(séng)佇此個，為著攏總的聖徒懇求無厭𤺪(ià-siān)，(6:18)
2 也替我求，互我會得開嘴，好膽來講互人知福音的奧妙，（為著此個我做掛鐵鍊的欽差(khim-chhe))，(6:19)
3 也著求互我佇此個奧妙會好膽照我所應該講的。(6:20)
    "向"天父上帝祈禱(太6:9)，最後懇求主耶穌給咱成(約14:14)
1 祈禱第一句是對象，是對天父上帝，伊是三位一體上帝的代表。
2 紲(sòa)接通對父、囝、聖神感謝及懇求。(三位一體上帝攏幫贊咱)
3 最後講"奉主耶穌的名祈禱"。(耶穌互咱及天父閣合，聖神踮咱)
    祈禱是和上帝連結，互伊進入咱的性命。咱著怎樣祈禱？
1 起動祈禱：順趁聖神的引𤆬(chhōa)、感動來祈禱(林前14:15)。
2 緊急性：祈禱無停，無論著(tio̍h)時、無著時，順境、逆(ge̍k)境。
3 需要性：對信仰的源頭，求討家己閣四周圍的需要。
4 內容：為著豐富、欠缺、過失，表達感謝、懇求、懺悔。
5 態度：虔誠、謙卑、耐心，將一切掛慮，交託上帝，全心倚靠。
6 對象：為教會、社區、國家、世界，為攏總的聖徒、福音的使者。
    藉著祈禱，咱和上帝建立親密的關係，逐項攏通對伊講，得著
1 聖神同在：伊訓練咱，忍耐、凡事倚靠，經驗伊的大權能。
2 自由：凡事盡力去做，藉著祈禱將憂悶、煩惱交託上帝。
3 平安：上帝保守咱、𨃟(pôaⁿ)過人一切所想會到的(腓4:6,7)。
4 改變：聖神作工，改變咱的性格、人生觀、價值觀。
5 成長：互相關心、相替祈禱，互性命卡豐富，疼心充滿逐所在。
6 結果子：互咱和基督相連，得著新性命，結聖神的果子(加5:22,23)。
    所祈求的著有行動，免得空空。有行動亦著紲(soà)接祈禱，祈禱互咱會堅持，發揮大的功效(雅5:16)，互聖神來引𤆬，無自高，知影家己的無夠額，一切榮光歸上帝，免得最後亦是空空。