2021-8-29 著聽道理、也著去行

 

      雅1:18-25講，著聽道理、行道理。
1上帝用真理的道生咱，著聽、著追求，才會得著新性命(1:18,19)
2 聽道理著愛準備，清氣心，除去攏總腌臢及惡毒(1:21)。
3 著積極，用謙卑、溫柔的態度，來接納種佇內面的道理 (1:21)。
4 著老實來思考，將所聽著的道理實在去行，呣通騙家己(1:22)。
5 照鏡的目的，是欲看家己的穿插，是呣是有抵(tú)好(1:23-25)。
6 干單聽道理，無去行，就親像鏡照了，甚麼攏無做 (1:23-25)。
     著聽心內面的聲，著聽上帝的話，著聽真道。
1到上帝的厝，著近前來聽，贏過戇人獻祭，𪜶無離開歹(傳5:1)。
2咱著近前來聽，因為信是出佇聽，就是聽基督的言語 (羅10:17)
3 人無聽內心的聲，所想的念頭逐日攏是歹，互上帝憂悶(創6:5,6)
4 馬利亞坐佇主的腳下聽講道。主講伊揀著好的福分(路10:39,42)
5 真正聽道理的人：有準備心，有想、有明白，謙卑願意接受真道
6 綴主的教示，主講：有耳孔通聽的，著謹慎來聽！ (可4:23,24)
7 聽道，才會捌真理，真理欲互咱自由(約8:32)，無做罪的奴才。
8 聽道，欲得著智慧、聰明(箴4:5)，心神得著保守，得著活命。
       雅各講，道理著聽，亦著照聽著的去行。
1 聽道理親像照鏡，會知影家己的缺點，知影了，也著愛有行動。
2聽主的話來行的，欲比並智識的人，起伊的厝佇石磐頂(太7:24)
3 疼主的人，聽主的命令閣守伊；主欲疼伊，向伊顯明(約14:21)
4 撒該有聽入主的話，分所有的一半給喪鄉人，騙來的，還四倍。
5聽閣行的人的特點：疼惜人的性命，殷勤學習道理、來幫贊人。
6 聽閣行的人的態度：會誠實來思考、檢查所聽的，踏實去做。
7 聽閣實在去行的人，欲因為伊的所做，得著福氣(雅1:25)。
      行真道並無困難。咱知上帝所愛的是 - 行公義，心存憐憫，謙卑及伊相及行(彌6:8)。主耶穌也講：我心內溫柔謙遜，恁背我的擔(tàⁿ)，來對我學；就恁的心神會得著安歇(太11:29)。