2023-2-26 天國是佇地上

 

    天國、上帝國、上帝的家攏是講相仝(kâng)的代誌。
1 "天國"今部分實現佇地上，"天堂"是離開世間欲去的所在！
2 上帝國(天國)是上帝咧掌權、統治，義是治理的柱(thiāu)石。
3 恁的義無贏過...決斷袂得入天國(太5:20)，上帝國和義呣使分開。
4 馬太福音用天國的詞，亦用上帝國，其他福音書用"上帝國" (1)耶穌講："富人入天國僫啊"(太19:23)，太19:24用"上帝國" (2)行洗禮約翰講：著反悔，天國近啦(太3:1,2)，可1:15用"上帝國" 。
5 上帝國亦是上帝的家，以色列人、外邦人攏通佇內面(弗2:19)。
6 上帝設立地上的家庭，是實現上帝的家的基礎。
7 白色大寶座審判以後，新耶路撒冷對天頂上帝遐降落，只有名佇羊羔的活命冊的會得入，這就是天國完全的實現(啟21:2, 27)。
    "接受福音到進入天國"有4個階段(太13:18-52)。
1 掖(iā)種：掖好種(福音)亦會掖去路邊、淺土、刺柿(phè)地，致到無生長。魔鬼亦掖稗(phē)仔，濫佇麥仔(教會)中(太13:18-30, 36-43)。
2 成長："芥(kòa)菜籽性命的長大"及"酵(kàⁿ)互麵粉虛假的膨大"(太13:31-33)。
3 付出：買"藏寶的園"及"好珠"，綴主亦得付出代價(太13:44-46)。
4 成聖："分開網裡歹水族"及"棄捨庫房舊物"的選擇(太13:47-52)。
    "天國"是"新約"的主要信息！天國已經佇地上！
1 教會見證上帝的公義及慈愛，上帝國實現上帝的救贖(太6:9-13)。
2 天國開始降臨地上：耶穌醫病、趕鬼、互死人閣活(太11:5)。
3 天國上大的喜樂：罪人、抽餉的、散鄉人、囡仔得著接納，回復自信。罪人悔改，浪子回頭，怹(in)的性命得著改變。
4 天國國民：聖神感動，閣回應、行上帝旨意的，欲進入(太7:21)。
5 天國的奧妙：信靠主就得著啟示，硬心的，看亦看無(太13:11)。
6 舊約的執事：摩西教人著敬畏上帝，守律例、典章(林後3:6,7)。
7 新約的執事(差用)：傳報恩典和真理(約1:17)，及天父、耶穌、聖神建立"親密"的關係，享受敨放、自由，得著今生及將來的榮光。