2023-2-12 逆境中徛(khiā)在

 

     人的一生，對嬰仔到老，逐時準攏有無像的挑戰咧(teh)等咱。
1 人生出問題，有人悲傷絕望；有人完全放棄(心死啦)；有人揣朋友敨(tháu)氣；有人抽籤卜卦；有人用腦筋揣出路。
2 面對困境，無論佇身軀、心神，抑是婚姻、事業，若袂當揣著出路，心志會漸漸消溶，親像著血漏，性命一步一步踏入死亡。
3 人佇困境，心神軟弱，無影的亦信，容易互對敵攻擊，亦會互黑暗的權勢來迷惑，陷入閣卡慘的光景。
    保羅特殊的造就和特質，互伊雖然受苦難，猶原無凜懾(lún-neh)。
1 充分準備：綴拉比學律法，閣用9冬的時間，揣求上帝的旨意。
2 有屬靈的同伴：巴拿巴接納伊、做伙事奉，旅行宣道有巴拿巴、提摩太和西拉同行；受關監，有以巴弗提和路加來照顧。
3 無纏拌：無越倒頭，全心致意頭前的事，向標來走(腓3:12-14)。
4 目標專一：做外邦人的使者(徒22:21)，死活攏為主(羅14:8)。
5 交託主：深信人若承認軟弱，上帝的的氣力就欲顯出(林後12:9)。
6 堅強的性命：雖然互人拍、石頭抌(tìm)、船破...，閣掛慮眾教會(林後11:23-29)，伊相信主，主亦為伊開路(林後4:8,9)。
7 信靠主：伊用心求、揣路、踏出去(太7:7-8)，主成伊的心願。
    佇逆(ge̍k)境，心神著積極、樂觀，用正面的態度面對挑戰。
1 信靠是信心(心相信)，閣加倚靠(實際行動)。信靠主就贏絕望。
2 約書亞相信上帝會分開約旦河的水，伊就踏入約旦河。
3 但以理相信上帝會救伊脫離獅穴，堅持敬拜主、祈禱的生活。
4 睚魯相信耶穌會互查某囝活起來，就堅持耶穌去怹(in)兜救伊。
5 患血漏的婦仁人相信耶穌會醫好伊，就想辦法去摸耶穌的衫。
6 舊約信心的英雄，雖然無得著應允的；怹遠遠看見，就歡喜來接。
    人生無順利，呣通勼(kiu)退，山溝底就是希望的開始。抵著困境，著分別內心的感覺，抑是實際的狀況，安靜心，排列一切佇主面前來祈禱，伊欲贊咱揣出轉踅(se̍h)的路，咱亦著勇敢踏出去。