2024-6-16 有孝爸母、上帝賜福

 

     "著孝敬你的老爸你的老母"是十條誡的第五誡(出20:12)。
1 古早人講：孝有三等：大孝尊敬爸母，中的無互𪜶受侮辱，上細是會奉待。所以奉待爸母，互𪜶吃穿用無欠是上基本，進一步是無做歹，致到𪜶互人笑，上有孝的是尊敬𪜶、順趁𪜶。
2 聖經講孝敬(honor)爸母，是尊重爸母，無論𪜶敢會堪得。
3 華人講有孝(filial)爸母，一般是講盡心奉待爸母，順趁𪜶。
4 忤逆(ngó͘-gek)爸母的、無親人情的，上帝擬斷𪜶著死。(羅1:28-32)
5 十條誡講人和人的關係(第5-10誡)，孝敬爸母列第一。
6 上帝應允，尊敬爸母的，欲得著亨通，長歲壽(弗6:2,3)。
   有人推辭主的呼召，講：我先去埋(tâi)我的老爸。(路9:57-62)
1 伊表示 "等我老爸死，我會來綴你"，這是推辭(the-sî)的話。佇古早，人死隨時安葬。伊閣四界趖(sô)，所以老爸猶(iáu)活咧(teh)。
2 "出在死人埋葬𪜶的死人" 是講互(屬靈死、呣信的人)埋葬(肉身死的)，意思是"世俗的代誌互呣信的人做"，你著去傳上帝國。
3 因為咱攏有真濟責任，著做安排，然後做上重要的(路9:60)。
4 "無時間" 孝敬爸母，因為時間攏用佇"事奉主"，這呣是理由。
5 有人欲綴(toè)主，主講伊著放棄物質的享受，著想清楚(路9:58)。
6 綴主，著放落人情世事、以及過去，才會入上帝國(路9:62)。
    聖經記載照顧爸母 "靈、魂、體" 需要的，得著上帝賜福。
1 掃羅的老爸拍無幾隻驢仔，伊帶奴僕去揣，揣到真遠的所在。伊驚老爸反為𪜶操煩，伊的貼心，上帝揀伊做王。(撒上9)
2 摩押女子路得伴孤單一人的大家(ta-ke)倒去以色列。伊體貼，犧牲(故鄉、信仰)。翁婿的族人收伊做某，伊生大闢的阿公。(得)
3 猶大為饑荒去埃及糴(tiah)糧，著帶老爸疼的細囝去，伊知老爸的心，用智慧的話安慰。大闢、主耶穌對伊出。(創43)
4 約瑟做宰相以後，接老爸、全家去埃及，細膩照顧，互老爸安享年老。伊的囝占以色列兩個支派。(創45-47)  

------------------------------------
**曾子曰：『孝有三：大孝尊親，其次不辱，其下能養。』《大戴禮記．曾子大孝》