2024-09-22 愛上帝

    律法中最大的是"愛上帝"，第二是疼人(太22:36-40)。
1 十條誡(律法)講人和上帝，以及人和人的關係，基礎攏是"疼"。
2 十條誡前4條講袂使有別的上帝、拜偶像、濫糝(lām-sám)稱上帝的名，著守安息日。後壁6條講親人、厝邊和四圍的人。(出20:3-17)

3 咱常常講疼厝邊、疼兄弟姐妹，閣講上帝怎樣疼咱，總是，咱亦著思考律法中最大的"愛上帝"，"怎樣愛上帝？"
    檢討錯誤一：疼人就是愛上帝。
1 對十條誡看，愛上帝、疼人所講的內容並無相像。
2 愛上帝、就著疼人，總是，疼人、無代表就是愛上帝。
3 講"我愛上帝"，閣怨恨他的兄弟，就是講白賊。(1約4:20)
    檢討錯誤二："相疼"就完全實現一切律法。
1 羅13:8-10講"疼人的，有盡律法"，舉的例是無行淫、刣人、偷提、貪心，所以講的"疼人"，只有盡律法中、人的部分。
2 律法呣但(m̄-nā)講"疼人"，律法亦講，無拜偶像、無拜受造的。
    檢討錯誤三：人無辦法直接愛上帝。
1 咱所信的、向望的、愛的是看袂著的上帝，伊是舊約以色列的上帝，新約耶穌是聖囝，佇聖經顯明是三位一體的上帝。
2 對上帝的話，閣聖神的幫贊，雖然看袂著伊，咱用信心信靠。
3 上帝先疼咱，差主耶穌贖咱的罪，互咱做伊的囝，伊歡喜和咱親近，咱通佇祈禱中直接表達感謝，守伊的誡命回應伊的疼。
    愛上帝著"盡心、盡性、盡力"(申6:5)。
1 (1)咱愛上帝，著守伊的誡命(1約5:3)；欲知伊公義、純潔、憐憫的聖質，著讀聖經 (2)愛上帝著愛"盡心、盡性、盡力"，所以咱著愛有心、亦著有行動來配合；著思考怎樣做、閣做互好。
2 亦著借祈禱，將一切代誌排列佇上帝，建立和伊的親密關係。
3 彼得和耶穌有親密的關係，伊愛耶穌，耶穌愛伊用"照顧羊仔"來回應對伊的愛。咱愛上帝，著及伊親近，閣守伊的命令。