Taigi 讀聖經

     約16:5-15主講伊欲離開世間，伊應允保惠師會來。保惠師欲指正世界，互𪜶對現在(受著義的譴責)、看過去(罪)、以及未來(審判)。伊是是真理的神，欲帶學生進入真理，閣啟示咧欲來的事。     保惠師用罪、用義、用審判，來指正(convict)世間(約16:8) 。 1 世間人是講呣信的人，保惠師點出世間人的錯誤、缺點。 2 主耶穌來到地上，成做一個檢驗、顯明罪的標準。 3 和合本聖經講保惠師互世間人"責備家己"，通講是保惠師的光照𪜶，叫醒𪜶的良心，看著家己的罪、不義，反過來責備家己。     保惠師講世間人有罪，因為𪜶呣信主 (16:9) 。 1 世間人受真光照，總是繼續行佇罪裡面，做罪的奴才。 2 人犯罪：上帝差耶穌做人類的救主，總是人呣信伊是彌賽亞。 3 呣趁主教示的袂看見活，上帝的受氣踮佇伊的頂面(約3:36)。     保惠師責備世間人刣死義人耶穌，結果主去到父遐 (16:10)。 1 世間人刣死耶穌，伊無入地獄，反受接上天，顯明伊是義人。 2 義人耶穌閣活，較贏死失權柄，咱靠主稱義，亦欲贏過死失。 3 義的主，受迎接上天；信的人，罪得洗除稱做義，亦會按呢。     保惠師責備世間人選擇撒旦，棄捨耶穌，欲受審判 (16:11)。 1 魔鬼：引誘人，迷惑人，互人犯罪、行不義，呣信耶穌。 2 撒但：抵擋上帝，利用人行權能、神蹟、假兆頭。 3 撒但、魔鬼陷害人入死，著受審判。主的死贖回咱，刣贏𪜶。     對信徒，約16:9-11通講是互咱信的人一帖強心劑 。伊給咱講清楚咱的狀況，伊給咱確信(convince)，呣是對咱責備、指正。 1 呣信的，有罪；信徒信、悔改、主的寶血，有洗清𪜶的罪。 2 義的主，受迎接上天；咱因為罪得洗除稱做義，亦會按呢。 3 審判的時，咱通安然；主卡贏撒旦，咱有信心會贏過撒旦。     約16:9-11給咱講，啥物是人生健康的態度 (1)過聖潔的生活(無犯罪) (2)存永活的向望(行義) (3)為家己的所做負責(無受審判)。 

    咱一世人不時會抵著試煉，心驚惶，有時致到掛慮及煩惱。 1 掛慮(合和本翻譯"憂慮")，是"為猶袂到的代誌來掛心"。濟濟人對呣知的、未來驚惶，怹(in)佇現此時就掛慮未來，開始受苦。 2 煩惱(合和本翻譯"憂愁、憂傷")，是"為現在發生的代誌心甘苦"。 3 咱驚染著流行感冒，這是掛慮；已經染著就憂傷，這是煩惱。 4 咱可能會煩惱"現在"、仝(kâng)時掛慮"將來"蹛(tòa)的所在。 5 呣但住所，咱為食物、健康、人際關係等，有時亦會掛慮閣煩惱。     莫得掛慮吃穿，天父知這是咱欠用的；凡事交託就免掛慮。 1 上帝照顧飛鳥的食，百合花、草所穿的，何況是咱(太6:25-34)。 2 一日的艱苦一日夠額，莫為明仔日掛慮，伊會家己擔(太6 :34)。 3 逐人"為主的事掛慮"，有家庭的亦"為家庭掛慮"(林前7:32-34)。 4 當咱的智識、地位...增長，咱的掛慮並袂減輕，可能愈來愈濟。 5 有時咱掛慮、歹睏；著祈禱、懇求，及感謝，將萬事排列佇上帝，就上帝欲保守咱的心和念頭，聖神開路，賞賜平安(腓4:6,7)。     順上帝的意思煩惱得著救，世間的煩惱會致到死(林後7:10) 。 1 追求食穿用、財富、名聲、事業、情慾等等，永袂有滿足；為著榮華富貴，刣頭生理亦做，致到心袂平安；這攏是世間的煩惱。 2 以掃犯淫亂、為著食賣大子的業，失去祝福就煩惱(希12:16-17)。 3 掃羅貪亞瑪力人的財物，白賊，上帝責備就煩惱(撒上15:19-27)。 4 這款墮落，會致到靈性死亡；世間的煩惱是互人死(林後7:10)。 5 過去追求世俗，今行回頭，為這煩惱，就是"順上帝的意思煩惱"。 6 彼得講會永永綴(tòe)耶穌，隨時三擺呣認伊，想起就啼哭(太26)。 7 順趁上帝的真理來煩惱，就生出反悔，欲得著救(林後7:10)。 8 保羅為眾人著觸煩惱，心親像火𤏸(to̍h)(林後11:28,29)。受異端影響的，為著互基督成佇怹的心，伊艱苦若生產(加4:19)。 9 羅得為邪淫的所多瑪城憂悶，上帝救出伊才毀滅城(彼後2:6-7)。 10 挽回無張持犯罪的人，心著溫柔，呣通亦受引誘(加6:1)。...

      根據考古研究，台灣台東佇1.5萬-3萬年前已經有人蹛(tòa) 。 1 約8000年前有幾十個南島民族的原住民，佇台灣生活。 2 17世紀漢族移入。中部有原住民組成大肚王國，續到1732年。 3 1624-1662荷蘭統治中南部和台東。西班牙佇北部(1626-1642)。 4 1661-1683鄭成功三代統治台灣。1683年—1895清朝統治臺灣。     中國清朝給臺灣、澎湖割互日本。1895-1945日本統治臺灣 。 1 臺灣住民反對臺灣割互日本，成立臺灣民主國，共150日。 2 日本統治台灣三個時期：漸進同化、同化、皇民化。 3 漸進同化：建設鐵路、自來水。台灣人武力抵抗外國統治。 4 同化：實施地方自治、中日共學制度、共婚法、獎勵日語。 5 皇民化：姓名、文化、語言全面學日本，台灣人受逼參加二戰。     二戰結束，台灣是美軍佔領地 。根據美國"1號通令"： 1 日本軍方照盟軍最高司令的安排，向所指定的國家投降。 2 中國、台灣、北緯16度以北的印度支那，向蔣介石元帥投降。 3 1945/10/25佇臺北中山堂，ROC代表陳儀接受台灣總督投降。     1945年ROC接收台灣 。1949年ROC對中國大陸撤退到台灣。 1 1952/4/28日本和ROC簽"中日和約"，確認(1)戰爭正式結束 (2)日本放棄台、澎、南沙及西沙群島 (3)日本放棄1941年以前佇中國的權利 (4)ROC無要求日本賠償。1972年日本廢止本約。 2 1952/4/28，同盟國及日本佇舊金山簽和平條約。有關台灣的部分，及"中日和約"相像，無提到台灣主權的歸屬；ROC、中共無參加。 3 1971年聯合國(UN)承認PROC是中國唯一合法代表，安理會常任理事國，除去ROC佇UN組織的位置。(大會2758案號)。 4 1979年美國終止和ROC外交關係，美國國會制定"臺灣關係法"，設立AIT處理美國人民和台灣人民的商業、文化等等關係。     懇求上帝施恩佇台灣，脫離災難 。上帝安排咱徛起的時和地，無論佇佗落，咱攏佇遐起造祭壇，敬拜創造天地的主(徒17:26,27)。 ------------------------------------ 1號通令 Instrum...

    台灣的選舉真濟用負面文宣，咱無綴(tòe)咧傳、做拍手 。 1 電視媒體無保持中立，在野參政的只有使用網路媒體。 2 年紀大的看電視，少年的看網路媒體，雙方所知的內容無仝。 3 大部分選民無理性。有服從黨的；有綴厝內、社群意見的；有聽趁媒體講的；有固執、堅持的；好佳哉亦有認真查考的。 4 用負面文宣，激起選民的情緒，一向是台灣選舉文宣的主流。 5 負面文宣攻擊對手的個人形象、政策及挖出的事件，利用斬頭去尾、移花接木、膨風的漚(àu)步，來煽動選民。甚至用政策買票，裝做受害者，顛倒是非，雙重標準來欺騙、恐嚇選民。 6 用抹烏(誣賴、彎蹺事實)的手段，犯著互人落選及誹謗的罪。 7 負面文宣製造對立、無道德，選民若看無明，結果家己受害。     主帶真理到世間，宗教改革𤆬(chhōa)咱看清楚聖經的真理 。 1 主來到世間、是欲給真理作見證．凡追求真理的人、就會聽伊的話(約18:37)。伊的話就是真理．欲互咱成聖(約17:17)。 2 路加寫路加福音書，伊"對起頭詳細查考攏總的事"。路加無綴過耶穌，伊收集資料，閣查考、確認，互寫出來的攏是真實。寫福音書是路加的使命，確信記錄的無差錯，是伊的責任。 3 宗教改革𤆬咱倒去聖經所講，對信稱做義的真理；反對天主教宣講積功德、買贖罪券，來減少親人佇煉獄受苦的時間。 4 宗教改革家翻譯聖經閣印出來，互人通讀著上帝真理的話。     綴主的人著追求真理，傳講、實踐真實，閣互人和平 。 1 基督徒追求真理、真實，真理除了佇聖經，咱亦希望社會上，無假新聞、假消息、白賊；無製造分裂、對立、互相攻擊。 2 咱希望人和人通互相信任、包容。政府誠實、通信任，服務人民，呣是為權、為利益；司法公正，呣是服務有權有勢的。 3 咱著趁理性、改變選舉文化。無傳送攻擊、講歹話的圖文影片。對網路、社群收的信息，著檢驗敢是真實(約壹4:1)。

     18歲以上的美國人，約1/3捌患著憂慮症(2017-2023調查) 1 發病增加率：21%-->29% (根據蓋洛普Gallup調查) 2 發病增加率：黑人和西班牙族群是白人的2倍 3 發病率：黑人34%, 西班牙族31%, 白人29% (2023) 4 發病率：女性37% 男性20% ，女性約略男性的2倍(2023)  5 發病率：18-44 34%, 45-64 26%, 65+ 21% (2023)     Todd Peperkorn牧師有憂鬱症，抵著死失，所想的攏是負面 。  1 為著佇懷孕過程中死去的囡仔，伊的心轉黑暗，怨慼(chheh)。追思禮拜只有一寡人參加，伊受氣教區、親人，甚至上帝。 2 阿叔過身的時，伊恬恬，無保握機會，向親情傳福音，這互伊為著家己的失敗，感覺虧欠、見笑，不時責備家己。 3 佇老母的葬禮，伊強強出來講道，呣是為了傳福音，是欲敁放( tháu p à ng )伊家己的扒腹 (peh-pak) ，藉著做其他的代誌，來袂(bōe)記得心內的黑暗。 4 憂鬱症造成心神的崩盤，正常的心情(悲傷、歡喜、痛苦、幸福)攏受歪斜( oai-chho ̍ ah )，想做歹的，互家己陷入黑暗的世界，病情閣卡嚴重。     患著憂鬱症的期間，伊拖磨做工，若活死人，頭前看無路 。 1 "黑暗" 捌(bat)連續幾日，幾禮拜，甚至閣卡久。黑暗來的時，心絕望，看人生是負擔、坎坷(khám-khiat)、悽慘、無意義。 2 社交退勼(kiu)：關心、同情心、祈禱的能力消失，講電話是痛苦。   3 歡喜的事工(敬拜、講道、教導)變做勉強，講道重複、抄別人的。 4 揣(chhōe)理由閃匿(bih)家庭活動，無氣力和囡仔耍，牽手無論講啥物(關心、疼、受氣、責備 ...)，攏互伊感覺虧欠，抑是做歹解釋。     魔鬼騙咱，講咱是孤單的。事實上，上帝互咱及時的幫贊 。 1 憂鬱症是腦的病，著吃藥仔。忍耐6冬後，伊才確定家己有病。 2 伊一面治療一面事奉，致到受認定已經復原，伊鬱卒計劃自殺。伊的牧師聽伊講話，苦勸伊，給伊搝(khiú)出絕望，才放伊倒去。 3 醫生、牧師、牽手、朋友、教會，幫贊伊行過死蔭的山谷。 ** 內容對...

    Todd Peperkorn牧師小漢受著好的訓練，有信心接受挑戰 。 1 教育：初中、高中佇厝裡讀。爸母教伊獨立思考、研究、接受挑戰，佇合唱團、語言、計算機、歷史和神學有踏實的基礎。 2 教會：教區牧師有才調、獻身，是伊的指導者，學習的對象。     出外讀大學、研究所，伊開始和憂鬱症奮鬥 。 1 大學時期："黑暗"開始出現，捌連續幾日，幾禮拜，甚至一冬。黑暗來的時，心絕望，看人生是負擔、坎坷、悲哀、無意義。 2 神學院第四年伊做學生會主席、學校委員會委員，閣娶某。伊參與濟濟活動，一旦負面的心情發作，伊啉酒、揣消遣、抑是保持靜靜。伊無互人知，人看著的，只有伊好的、正常的一面。     通過醫藥，教會的疼心，閣伊對上帝的信心，伊得著醫治 。 1 畢業以後的三年，伊擔任神學院招生顧問，逐四界旅行招學生。空課是真趣味，總是伊的心亂亂，感覺受壓迫；伊想欲改變。 2 伊去教會做牧師，遐有愛心的家庭。伊和隔壁教會做伙辦學校。 3 幾冬後伊開始感覺慒(cho)心、無精神。講電話、和人交往互伊痛苦，講道、禮拜、教導(過去熱心的)變應付，無精神和囡仔耍。 4 強強忍耐6冬。伊的家庭醫生建議伊吃抗憂鬱症的藥，心理醫生也確認伊有憂鬱病。接受事實是真艱難，最後伊決定吃藥仔。 5 藥仔互伊凝(gêng)心、嘴乾、扒腹( peh-pak )、頭痛、鬱卒、起性地；對周圍環境焦慮、緊張和不安；對責任、囡仔、人濟的場合、雜音的刺激感覺僫(oh)擔當，艱苦若(ná)欲死；藥仔放大病的嚴重性。 6 精神科醫生試各種的抗憂鬱、抗焦慮的藥，和安眠藥，經過10個月，才揣(chhōe)著正確的組合。治療極其困難，不時著試新的組合。 7 為了減輕教會的困擾，開始的時伊維持禮拜日的講道，總是給賰(chhun)的力攏用了。最後，通過完全的歇睏，才得著改善。  8 醫師、牧師、牽手、教會、朋友組成團隊，提供專家的意見，以及靈性上、心理上、經濟上的幫贊，伊得著適當的照顧。 ** 內容對Peperkorn牧師的冊整理 " I trust when dark my road ." 揤冊名就會當看著冊。 ** 相關： 憂鬱症患者的世界 Depression disorder

    主是行動的主，伊趕鬼、醫病，傳福音，亦愛咱綴伊的腳步 。 1 主講：著疼厝邊親像家己。厝邊是到佇天邊海角。(路10：27) 2 耶穌遍行逐個城、鄉社，佇會堂教示人，傳天國的福音，醫好逐樣的症頭、病痛(太 9:35)，伊真正實踐"疼厝邊" 3 耶穌賞賜學生能力、權柄，差怹去趕鬼、醫病，傳福音(路9:1-2)。 4 為著達成目標、任務，著勇敢壯膽，付出行動。主耶穌通過受釘佇十字架的行動，才完成罪的替贖。 5 貴格會照主的命令行(約15:14)。怹(in)幫贊散赤、弱勢、抵著災難的地區，幫贊戰爭的時受關佇集中營的、閣著傷、受掠的。     人有信心，有行動，來求耶穌醫治，攏得著醫好 。 1 羅馬兵的百總求耶穌醫伊奴僕的半遂(piàn-suī)，伊無要求耶穌去怹兜，伊深信耶穌有權柄，耶穌講"好"，奴僕就會好。(太8:5-13) 2 迦南的婦仁人喉叫主，醫好伊患著鬼的查某囝，伊無因為家己是外邦人受看輕，相信恩典亦會到佇伊(太15:21-28)     這是大奧妙：咱向上帝求，咱若相信伊，就相信是已經得著 。 1 主應允，當咱向伊求，閣有行動(揣、拍門)，伊就給咱成(太7:7) 2 求、揣、拍門，是達到目標的三個坎站，鼓勵咱著有行動。親像欲去見一個朋友，著"揣"路，到著"拍門"，門開才會見著人。 3 上帝歡喜咱靠信心來求，無憢疑。咱若心無憢疑，相信代誌會成，就欲給咱成。咱信伊是，伊就證明伊實在是。(可11:23) 4 信心呣是在佇你的感覺，是佇任何都合，上帝攏"值得你信"。 5 咱求，咱若信上帝，就相信咱"已經"得著，呣是"咧欲"得著，因為上帝"已經"做啦。著開始照所啟示的計畫，向標來走。(可11:24) 6 舊約的信心英雄，相信上帝報賞揣求伊的人(亞伯、以諾)，確信在世是做人客(亞伯拉罕)，上帝是互人永活的上帝(雅各、喇合)。 7 著學習摩西，伊選擇彼個袂朽爛的(希11:24-26)，看著看袂著的(抵著主)(希11:27)，然後成彼個無可能的(希11:28-29)。