Taigi 讀聖經

           耶穌為著伊咧欲離開世間，約14:26-29記載伊的重要安排。 1 保惠師就是聖神，父佇我的名所欲差的，伊欲將一切的事教示恁，閣欲互恁記得我一切所給恁講的。(26) 2 我用平安留咧(teh)互恁；我將我的平安賞賜恁。我咧互恁，呣是親像世間咧互人的款。恁的心莫得迫腹，亦莫得驚惶。(27) 3 恁已經聽見我有給恁講，我去欲閣來。恁若疼我，就因為我歸佇父，恁會歡喜，因為父比我卡大。(28) 4 今事猶未成，我已經給恁講，互恁佇事成的時通信。(29)         約翰14章講主安慰學生，應允𪜶、閣勉勵、苦勸𪜶。 1世間的人君(魔鬼)會來(14:30)，伊著離開學生(14:19)。 2 伊去備辦所在，伊欲閣來接咱 (14:2, 3)。 3 信的人會行卡大的(14:12)，佇主的名來求，就會得著(14:13)。 4 主欲求天父，賞賜保惠師，互伊永遠及咱蹛(14:16) 。 5 保惠師續接耶穌，將一切的事教示學生，想起主的吩咐(14:26) 。 6 莫得迫腹(pek-pak)、驚惶，伊賞賜平安(14:27) 。著信上帝、信基督(14:1) 7 著信伊就是路、真理、活命，只有伊會互咱就近天父(14:6) 。 8 疼伊，就著守伊的命令(14:15,21) 。         平安是世間人切切欣羨(siān)的，聖經講怎樣得著平安。 1 著及上帝親蜜，就會得著平安；福氣欲臨到你(伯22:21) 。 2 你所教督、你的律法教示的，患難的日伊得著平安(詩94:12-13)。 3 出外傳福音，通揣( chhōe)好人的厝蹛，平安欲到佇伊(太10:11-13)。 4 恁踮佇我有平安。佇世間恁有苦難，我已經卡贏世間(約16:33)。 5 我將我的平安賞賜恁。恁的心莫得迫腹，亦莫得驚惶(hiâⁿ)(約14:27)。 6 莫得掛慮，著祈禱、懇求，感謝，排列所求的。上帝的平安、𨃟(pôaⁿ)過人所想會到的，欲佇基督耶穌保守恁的心、恁的念頭(腓4:6-7)。 7 閣活的耶穌徛佇驚惶的學生中央，講：願恁平安(約20:19,21,26)。 8 願平安的主逐時逐項事，賞賜咱平安，及咱佇啲 (帖後3:16)！

        啟21:1-6記載世界和人的路尾。 1 我看見新的天新的地；前的天前的地已經過去，海也無閣有(1) 2 閣看見聖城就是新的耶路撒冷，出佇天，對上帝降落，已經備辦便，親像新娘妝飾來聽候伊的丈夫(2)。 3 閣聽見大聲對座位出：上帝的會幕佇人的中間。上帝欲及𪜶相及徛起，𪜶欲做伊的百姓。上帝本身欲及𪜶佇啲，做𪜶的上帝(3)。 4 閣欲給𪜶的目睭拭去攏總的目屎；無欲閣有死失，也無欲閣有哀傷、喉叫、痛疼，前的代誌已經過去(4)。 5 主講：我換新萬物！你著寫伊；因為遮個話是真實、通信。閣講：成啦！我是起頭，及路尾。我欲用活命的水泉互嘴乾的(5,6)。         主再臨的千年國(國度)以後，天地換新，成做新的天新的地。 1 上帝拯救的計畫，對摩西、基督降生、基督再臨，分做四個時段。 2 四個時段：律法前、律法、恩典、國度，以後續接新的天新的地。 3 上帝用水洗清亞當以前的世界(創1:2)，隔開水和陸地 (創1:7) 。 4 上帝所復原的今仔日的世界，猶原有邪靈蹛(tòa)佇水裡面(太12:43)。 5 海交出邪靈，接受白色寶座前的審判(啟20:13)，海就免閣佇啲。 6 今仔日的世界，上帝欲用火燒(彼後3:10)，新的天新的地就欲到。 7 基督及教會佇千年國以前，佇天頂舉行婚禮(啟19:7-9) 。 8 新的耶路撒冷，是教會、受救贖的、上帝的囝(啟21:7)。 9 新的耶路撒冷對天降落，上帝(的會幕)蹛人的中間(啟21:2, 3)。 10 新天新地有兩款住民，蹛佇新耶路撒冷城內和城外的。 11 無信的義人 (太25:31-46)，蹛佇新耶路撒冷的城外(啟21:3, 24)。 12 得勝的基督徒，做上帝的囝(啟21:7)，其他的去火湖(啟21:8)。 13 佇新天新地無傷心、流目屎，無閣有死帶來的哀傷、喉叫、痛疼。死亡欲完全互生命吞滅(林前15:54)，㧒(hiat)佇火湖(啟20:14)。         人的結局，呣是佇新天新地，得著永遠的活命，就是佇火湖，受著永遠的責罰。信實閣公義的上帝的話，的確會成。

                  聖經裡面記載，老母為囝兒受著逐款的壓力：   1 無囝的壓力：撒母耳的老母哈拿求囝，猶大新婦他瑪為著有後代妝做妓女，路得互波阿斯盡親情(chhin-chiâⁿ)的責任。 2 生產的危險：年老生囝(亞伯拉罕的某撒拉、行洗禮約翰的老母 以利沙白)，雅各的某拉結生便雅憫。 3 政治的壓力：摩西的老母約基別藏嬰仔摩西三個月，希律王欲殺欲做猶太人的王的耶穌，所羅門的老母拔示巴為伊確認王位。 4 經濟的壓力：以利亞及以利沙幫贊寡婦，耶穌一家逃去埃及的生活。 5 死亡的壓力：路得的大家(ta-ke) 拿俄米失去翁和二個囝，耶穌的老母馬利亞看伊互人殘忍處死。   6 教囝的壓力：夏娃(該隱刣亞伯)，利百加(以掃和雅各爭名分)，約基別飼大摩西，友妮基教提摩太。 7 養飼的壓力：迦南婦仁人為查某囝求耶穌醫治(太15: 21-28)。 8 經營家庭的壓力：天才的老母(箴言31) 。         老母若聖神，對伊的囝兒，逐日逐時咧顧。猶太人講，上帝袂當佇逐時逐所在照顧逐個人，伊創造母親來做。伊是 1 牽教者：對學行路、學講話起，到長成，陪伴囝兒上濟的是老母，老母用家己的行做來教，用疼來教。 2 幫贊者：老母𤆬囝兒學樂器、學語言、顧學業，𤆬出𤆬入，提供囝兒安全、無煩惱的環境， 互𪜶有自信，產生對人的信心。 3 安慰者：囝兒成長的過程，跋倒、考試無好、互人欺負，抑是大漢以後事業無順利，老母總是佇邊仔安慰和鼓勵。 4 協談者：老母顧囝兒到大，上了解囝兒的需要，伊聽、閣苦勸。 5 代禱者：老母袂當替囝兒做、抑是準備所有的代誌，伊掛心伊的細囝，常常為𪜶向上帝祈禱，懇求上帝引𤆬𪜶。         上帝創造人，欲互人生湠(thòaⁿ)真濟，充滿佇地上，管理地上(創1:27, 28)，囝兒亦是上帝賞賜，交托互父母的產業(詩 127:3)，所以，母親佇上帝的計畫中，有真重要的角色。

           彼得是一個啥款的人？ 1 討魚人。和約翰、雅各合作討魚(路5:10)，無受過若濟的教育。 2 有決斷。經歷耶穌教伊佇佗(tah)位拋(pha)網掠(lia̍h)魚，就決心綴(tòe)伊(路5:11)。 3 敢講。講耶穌是基督，上帝的囝(太16:16) 。講欲為耶穌和以利亞、摩西搭寮仔(太17:4)。講若著死，亦無呣認耶穌(太26:35)，總是耶穌受掠以後，就轉嘴講，呣bat耶穌。 4 敢做。看著耶穌佇水面行，就跳落船去就近耶穌(太14:29)。勸耶穌呣通講伊會受害(太16:22)。耶穌受掠，伊用刀削祭司頭奴僕的正耳(約18:10)。知影耶穌閣活，就去墳墓看(約20:1-9) 。 5 耶穌信任、栽培伊。耶穌佇山頂變貌(太17:1)，救活睚魯的查某囝(可5:37)，只有伊和約翰、雅各佇現場。伊和約翰受派去準備最後的𨃟(pôaⁿ)過節暗頓(路22:8)。         閣活的主耶穌體貼彼得、主耶穌 1 特別吩咐，著給彼得講伊已經閣活 (可16:7)。 2 閣一遍用掠魚的神跡(jiah)，堅固彼得的信心(約21:3-13) 。 3 三遍問彼得，敢有愛伊，閣吩咐照顧伊的羊仔(約21:15-17) 。         耶穌上天以後，彼得的改變： 1 贏過驚惶：五旬節聖神降臨，伊和11個使徒勇敢起來講話(徒2) 2 佇聖殿、公會大膽講道：受拍、關監、恐嚇攏袂禁伊 (徒3-5) 3 成長：伊看著撒瑪利亞人接受聖神(徒8:14)，閣聖神降臨佇哥尼流一家和伊的朋友(徒10:44)，體認教會亦著接受外邦人。         對彼得的軟弱和改變，咱學習著： 1 軟弱是人的本性：袂當走閃，著接受這事實，勇敢面對。 2 軟弱測量你的勇氣：你是呣是有夠額的勇氣，來面對挑戰。 3 軟弱的作用：軟弱的時，就是產生疼心、歡喜、勇氣的時。 4 軟弱的功效：軟弱的時，就是轉換的時，欲創造新的情勢。 5 當軟弱的時，著站起來，面對問題，聖神就欲賞賜勇氣。