Taigi 讀聖經

          Tustin台灣基督長老教會(TTPC, Tustin Taiwanese Presbyterian church)，目前借Tustin美國長老教會聚會，屬PC(USA) Los Ranchos中會。咱教會佇2012/10/1對IrvineTPC(簡稱ITPC)分開，因為ITPC欲徙去Laguna Hills，咱教會猶原佇Tustin聚會。ITPC是柑縣台灣基督長老教會開設的南區佈道所，佇1994/1/9開始聚會         TTPC一寡重要事件記佇下面： 2012/10/1對ITPC分開。仝年12/2邀請李廷樞牧師擔任顧問。 2014/1/1黃力書牧師擔任實習講壇，2016/4/1聘做駐堂牧師。 2014/11/30和會選教會正式名稱TTPC。 2019/12/31 黃力書牧師聘約期滿離職。         TTPC對ITPC分開的時，無駐堂牧師，一切對頭開始。濟濟熱心的兄姐同心協力，奉獻時間、氣力和金錢，互教會通繼續來提供敬拜、關懷和靈命的造就。         為著互教會緊緊來正常運作，設立事工委員會，處理教會事務、敬拜、發展。這期間得著真濟牧長來擔任主日講壇、拜二查經班、拜四聖經研討會，熱心兄姐帶領成人主日學、聖歌隊。     黃力書牧師對2014年起參與教會事奉，強化事工委員會，準備教會法規，辦理青年聚會，組織婦女團契，聘請專任的聖歌隊指揮、伴奏。 會友靈性造就方面，繼續辦理成人主日學，拜二佇教會、家庭查經分享，推動每日靈修，舉行為癌症患者的祈禱會。         社區服務方面，開日語班、電腦班、醫療諮詢座談會、家庭水電DIY、排舞班、幼兒品仔韻律班，以及青少年絃樂團。閣提供場地互FAPA、OCTA、太平洋時報、台灣會館辦理活動。         今年抵著Covid-19，3/15教會最後一遍聚會。好佳在南加州TPC有辦理網路禮拜，也互阮有時間，來思考、準備怎樣重新出發。         TTPC的成立，是為著佇Tustin建立台灣人的敬拜中心。透過傳講故鄉文化及社區服務，向同鄉宣揚基督疼和救贖的福音(路加24:46-47)。懇求上主施落恩典，聖神帶領、賞賜智慧，使TTPC繼續成長，天父的聖名得著榮耀。  

        2020對TTPC是ㄧ個真特別的一年。教會無牧者，閣抵著武漢肺炎，疫情續到年底攏無煞(soah)。感謝天父帶領，一切攏得著平安經過。         今年，雖然無牧師，總是大家分擔教會的空課(khang-khòe)，互敬拜、牧養、關懷繼續來進行。禮拜日的敬拜，請附近教會的牧師輪流來證道；成人主日學，請來講道的牧師和教會有志，輪流主講；週間的查經，請佇咱教會聚會的退休牧師、蔡牧師主持。聖歌隊佇原來的指揮、伴奏帶領，繼續練習，閣佇禮拜獻詩。         三月中，因為武漢肺炎愈(lú)來愈嚴重，教會停止聚會。這時南加州的台灣長老教會(TPC, Taiwanese Presbyterian Church) 聯合 ，提供 聯合 網路禮拜。以後漸漸加入成人主日學，週間的拉比食堂，和山姆(san ḿ)的聖詩音樂。參加聯合禮拜的教會的牧師，擔任禮拜日講道和主日學，各教會輪流擔任音樂事奉。咱教會無牧師，只有提供音樂事奉。因為咱教會聖歌隊停止聚會，獻詩用過去聖歌隊主日唱的歌的錄影，加歌詞和圖片。感謝過去為這錄影的兄姐，佇今仔日，in的勞苦，互咱通和衆教會分享所唱的詩歌，作伙來敬拜。         教會停止聚會期間，眾兄姐除了佇網路做伙禮拜，佇教會Line群組報平安以外，藉著電子批、電話閣家庭拜訪，大家互相請安。         教會逐禮拜的週報，藉著網(bāng)路傳送，提供互相的聯絡和關懷。週報的分享部分，有真濟篇用白話字來寫，對照有中文；閣有用台語文來寫的。今仔日的網路真發達，會當揣(chhoē)著真濟台語文的資源，咱教會網站也有收集真濟資料。佇首頁有「Other Links 其他連結」，入去以後點「Memory of Taiwanese台文記憶」，就會看著。         聘牧的空課對舊年就開始進行。聘牧廣告上先刊佇角聲月刊，佇台灣、美國長老教會相關網站，也請牧者介紹；今年繼續進行，向望明年會揣著有受呼召的牧師來牧會。         保羅講：萬項事相及來，互疼上帝的人得著利益(羅8:28)。困難的一冬攏經過啦，相信閣來的一年，會是平安年。 **本教會是指Tustin台灣基督長老教會(TTPC, Tustin Taiwanese Presbyterian Church)。

           一般認為第一遍的感恩節佇1621年，400冬前。 1 坐五月花這隻船到北美的清教徒，佇船頂過冬，偆(chhun)一半人活落來。 2 隔年春天，原住民送in吃物，教in拍獵、掠(lia̍h)魚，種番麥、金瓜。 3 彼(hit)年in得著豐收，in邀請原住民做伙慶祝豐收，感謝上帝。 4 1863/10/3林肯總統發表”感恩節宣言”，感恩節成做國定紀念日。 5 1941年，國會給感恩節改作11月第4個禮拜四。 6 教會佇感恩節期間，一般會舉辦感恩聚餐及佈道會，邀請慕道友來教會。    這是一個感謝上帝、傳福音的節日。      互耶穌醫好的人倒來感謝，伊的靈魂也按呢得著救(路17:17-19)。 1 咱若認為咱的一切是應該得的，抑是家己拍拚得的，就袂感恩啦！    人呣知感恩，就生出不滿、相爭、悖逆(pōe-ge̍k)..互世界變做冷淡無情。    袂(bōe)感恩，就會埋怨(bâi-òan)，埋怨的聲會到上帝遐(hia)，惹(jiá)上帝受氣(民11:1)。 2 上帝的旨意是：著(tio̍h)常常歡喜，祈禱無煞(soah)，凡事感謝(帖前5:16) 。     感謝著超越個人的經歷，喜樂/哀傷、順境/逆境…攏著感謝。    上帝互咱經歷濟濟代誌，攏是欲(be)互咱得著利益(羅8:28) 。 3 感謝、謳咾(o-ló)，互人和上帝閣卡接近，感受著上帝的同在。    感謝、謳咾上帝佇過去為咱所成的，就欲確信現在也會按呢。    三思(sàm-su)上帝的恩典，就欲閣卡明白伊的旨意，對未來愈(lú)有信心。 4 咱的生命和生命所需要的，攏是上帝白白賞賜的(詩24:1) 。    當咱無閣認為一切是理所當然的時，就會感謝上帝、好對待人。 5 上帝的慈愛永遠佇啲。著常常感謝伊，就欲沓沓(ta̍uh)經歷伊的同在。    上帝的恩典不時著算、著數(siauh)，抵著困難，就無驚惶，勇敢面對。    當咱開始僥疑(giâu-gî)的時，咱就跋(po̍ah)落佇魔鬼的試探，親像亞當(tong)夏娃。    詩136篇講上帝所行的逐項奇事，提醒咱，伊的慈愛永遠佇啲(tī-tè)。       上帝教示以色列人著過感恩的人生 (1)著獻謝恩祭，感謝上帝(未:23) (2) 對人施落恩惠。安歇(hioh)年無對欠數(khiàm-siàu)的人追討(申15:1,2)，田交

        路21:5,6, 20-24的讖語講軍兵會圍耶路撒冷，毀掉聖殿。 1 有人講殿堂是用好石，及所獻的物來妝娗(thāⁿ)！耶穌講：日子欲到，恁所看見的，無一塊石留佇石的頂面，也無捙(chhia)落(21:5,6) 2 恁看見耶路撒冷互軍兵所圍，就知伊的拋荒(pha-hng)近啦(21:20) 3 彼時，佇猶太的著走去山裡；著出城；佇園裡的呣通入城(21:21) 4 因為諸個日是伸冤的日，互所有記載的攏應驗(21:22) 5 當許個日，有身孕(īn )及互嬰仔食奶的婦仁人有災禍！(21:23) 6 因為欲有大的困苦到遐，受氣到佇這個百姓。互刀刣死，受掠到萬邦。耶路撒冷欲互列邦人踳(thún)踏，到列邦的期滿(21:23,24)         馬太、馬可、路加福音攏講著耶路撒冷聖殿欲受拆到無。 1 所羅門聖殿互巴比倫人火燒，波斯王古列的時，允准猶太人倒去重起，叫做第二聖殿，20 BC大希律王擴建，63 AD才完工。 2 主讖語聖殿會受捙落、拆掉，無一塊石會留佇另外一塊石的頂面 3 主讖語聖城會受軍兵包圍，欲活命，呣通踮城內，有身孕及有嬰仔的婦仁人會受大艱苦(21:23)。這是讖語70 AD欲發生的事件。 4 佇羅馬人的統治，因為猶太人信一個上帝，和其他住民的多神信仰發生衝突。猶太人佇66 AD起來抗爭，成立臨時政府。羅馬皇帝派兵，直到70 AD才攻破耶路撒冷城，火燒聖殿，百萬人受刣死，近10萬人受掠去作奴才，親像讖語(21:24)所講。攻落聖城的提多(Titus)將軍認為，猶太人受in的上帝棄捒，才戰敗(21:22) 5 聖殿佇70 AD受黜(thuh)平以後，只有偆(chhun)西牆。佇聖殿的所在，以後有起羅馬的萬神廟，最後回教起石岩圓頂聖殿到現今 6 1948年以色列復國，1967六日戰爭，in收回耶路撒冷(21:24)      主耶穌斷氣的時，聖殿內隔開至聖所的帳簾對頂到下裂做二半 1 猶太人起聖殿互上帝蹛，大祭司一冬一遍入至聖所，求上帝赦罪 2 帳簾裂開表示人通直接向上帝求，因為主已經洗咱清氣(希10:19) 3 教會就是上帝的殿，人若毀壞上帝的殿，上帝欲毀壞伊 (林前3:16,17)

        一個大家(ta-ke)給(kā)守寡(chiú-kóaⁿ)的新婦(sin-pū)路得揣( chhoē )翁婿(ang- sài ) (得3:1-5)。 1 拿俄米講：我豈著給你揣一個安身的所在，互你享福嗎？(3:1) 2 彼個波阿斯，豈呣是( kiám-m̄-sī )咱的該親( kai-chhin )嗎？(3:2) 該親就是親情(chhin-chiâⁿ) 3 伊今暝簸(pòa)大麥佇五穀場( gō͘- kok-tiûⁿ )；你著洗身軀抹油，換衫，落去到五穀場，總是呣通互彼人認著你。(3:2,3) 4 聽候伊啉食了( lim-chia̍h - liáu)，到伊倒啲的時，你著斟酌( chim-chiok )看伊倒的所在，入去掀伊的腳所蓋的，倒佇遐( hia ) (3:3,4)。 5 伊會給你講你著行的。伊應講：你所吩咐的，我攏欲行伊(3:4,5)。       路得記記載敬畏上帝閣有智慧的查埔人、女子和伊的大家 。 1 拿俄米(Naomi)嫁互以利米勒，生二個查埔囝，人攏欣羨(1:2,19) 2 拿俄米一家因為飢荒(ki-hng)去摩押，二個囝娶某，一個新婦叫路得(1:4)。 3 後來一家三個查埔人攏死，聽著故鄉無飢荒，就欲倒去(1:3,5,6)。 4 路得呣離開拿俄米，死活攏欲做伙，耶和華也是伊的上帝(1:16)。 5 倒轉到伯利恆，拿俄米哀傷講，我滿足出去，空空倒來(1:19-21)。 6 彼時，抵抵(tú)是大麥收成，路得就去拾(khioh )落佇田的麥仔(1:22, 2:2)。 7 伊抵好去波阿斯的園，伊是in大官(ta-koaⁿ)的該親，好額人，伊謳咾路得的疼心，互伊吃in的餅、啉水，閣吩咐人呣通欺負伊(2:1,8-16)。拿俄米愛路得佇這期間，只有佇伊的園拾麥仔 (2:22)。 8 拿俄米感謝上帝施恩活人死人，向望翁婿的家會紲接(sòa-chiap )(2:20,3:1,2)。 9 等收成結束開始摔栗(siak-chhek)，伊愛路得向波阿斯講出伊的期待。 10 伊教路著清氣身軀、化妝，表現女性的媠。等暗時波阿斯佇栗(chhek)仔場睏去，伊去倒佇伊的腳邊。(3:2-4) 11波阿斯半暝醒，路得請伊用伊的衫仔裾來蓋伊。波阿斯講歸城攏知伊有好德性，答應處理這件代誌，盡該親的責任(3:8-15)。 12伊的上至親(chì-chhin)放棄責任