Taigi 讀聖經

      Covid疫情期間，掛嘴掩、無揳(kheh)咧(teh)坐，教會保持聚會 。 1 無掛口掩禮拜的教會： 6%(2020.7)，43%(2022.3)。 2 掛口掩禮拜的教會：55%(2020.7)，47%(2022.3)。 3 無開放禮拜的教會：31%(2020.7)， 5%(2022.3)。     疫情期間，線上和TV敬拜，已經和禮拜堂敬拜相仝(kâng)重要 ；調查發現，採取遮(chia)個方式，禮拜的總人數，並無啥(siáⁿ)變化。 1 參加禮拜堂禮拜：13%(2020.7)，28%(2022.11)。 2 參加線上和TV禮拜：36%(2020.7)，24%(2022.11)。 3 參加禮拜總人數(1 & 2)：41%(2020.7)，40%(2022.11)。 4 只有參加禮拜堂禮拜16%，線上/TV12%，參加兩項12%(2022.11)。 5 65+的族群出席穩定，續落去64-50，49-30，29-18，愈來愈少。     因為疫情人受隔離，有人失去空課、性命，產生心理問題 。 1 驚惶：疫情致到有人喪失性命，有人經濟艱難，失去安全感。 2 壓力、扒腹：傳染病維持幾仔年，疫情反覆，未來無確定。   3 無聊：日常活動受限制，舊的活動取消，新的生活猶未建立。 4 孤單：鎖國、封城，人和人隔離，無社交生活。     疫情期間，教會用逐款的敬拜方式，提供屬靈的安慰、鼓勵 。 1 利用無線電提供聲音、影像(TV)的空中禮拜，抑是線上禮拜 。 2 掛嘴掩、座位隔開佇禮拜堂內禮拜，抑是佇禮拜堂外面、公園。 3 逐個教會，抑是聯合仝教派、無仝教派提供線上禮拜、主日學。 4 建立群組，抑是提供特別靈修節目，親像Pianoside Chat。     疫情了，著改變，行出隔離，用感情、溫暖來牧養 。  1 方式：佇禮拜堂、小組，亦佇通信群組、社交媒體來牧養。 2 對象：少年人的事工是第一優先，年紀大的著特別關心。 3 內容：著改變，有新的心、新的神。藉著人和人的交往(通信)，給人箍(kho͘ )做伙；藉著媒體，學習真道，堅固信心，便便為主做工。 4 行動：著踏出去，靠福音的大權能(羅1:16)...

         孤單是當咱向望和人接觸，總是無得著的感覺 。咱生活佇一個互通信網路連做伙的世界，社交媒體給咱和朋友連做伙，閣加濟濟新的朋友，總是咱有時猶原感覺孤單。咱給孤單分做四種： 1 感情上孤單：欠親密的同伴，通互相交換個人的想法、感受。 2 情境上孤單：佇生疏的所在，袂適應當地文化和生活方式。 3 社交上孤單：因為內向、自卑感，無經營人和人的交往。 4 慢性的孤單：長時間只有單獨一人，家己過生活。          孤單已經是流行病 。今仔日的社會強調"獨立、個性"，無鼓勵互相依倚、相及認同。這款的文化，互人誤會人通靠家己，無需要別人。下面是2021年Cigna調查美國成年人"感覺孤單的%"。 1 年歲：79%的18-24歲的少年人，66歲以上的老人只有41%。 2 族群：75%西班牙族群，68%黑人，全體美國人只有58% 3 經濟：63%年收入< $50,000的人，其他卡高的只有53%。 4 保險：72%接受Medicaid的弱勢，有頭家提供保險的55%。 5 男女：57%男性，59%女性，男女無啥差別。 6 孤單互員工生產力、工作滿足感降低，企業主通藉著下面的做法來補救 (1)通過開會、舉辦活動，增加員工做伙的機會 (2)提供帶薪水休假，互空課及生活平衡，提高心理健康 (3)提供公平、包容、安全及和睦的工作環境，互員工有目標和歸屬感。         上帝無愛咱陷佇孤單的艱難中，伊愛咱相及，閣和伊相結連 。 1 孤單是無好的物。上帝創造亞當以後，閣做夏娃，來幫贊伊。 2 以利亞認為只有伊抵敵亞哈，上帝講伊有留七千人無跪巴力。 3 使徒保羅深知怎樣處理孤單。伊揣伴做伙旅行傳道，最後佇羅馬，只有路加相及，伊請提摩太給馬可帶到伊遐(提後4:9-18)。 4 主耶穌設立七十人，一對一對，差怹(in)做頭去傳道(路10:1)。 5 主耶穌應允佇伊上天以後，保惠師會來及信徒永遠佇啲。 6 主是葡萄樹，咱是枝；及伊相離，咱就袂做甚麼(約15:5)。 參考資料： https://newsroom.thecignagroup.com/loneliness-epidemic-persists-post-pandemic-l...

      馬利亞生耶穌，是聖神的作為，欲應驗舊約的讖語 。 1 舊約的讖語：耶穌是大衛的後裔(太1:1-17)，上帝應允大闢，伊的國欲堅固到永遠 (撒下7:4-16)。馬利亞：在室女懷孕生囝(路1:26-38)，是上帝互猶大王亞哈斯的兆頭，閣一遍應驗(賽7:14)。 2 實現：約瑟猶未娶馬利亞過門，伊就對聖神有身孕(太1:18)。     馬利亞溫柔、順服上帝安排 ；有關主耶穌的事，伊"無明白"。 1 天使給馬利亞講，你得著大恩、欲對聖神懷孕生囝，伊欲續接大闢做王，伊講：我是主的女婢，願照你的話應驗佇我(路1:26-38)。 2 西面講嬰仔，亦講伊的心"欲有劍鑿透過"，伊安靜聽(路2:33)。 3 馬利亞問12歲的耶穌，為啥留佇殿裡互怹(in)揣，耶穌講"我應該佇我的父的厝"，馬利亞袂明白，給遮個話攏記佇心裡(路2:42-51) 。 4 耶穌佇加利利省傳道，馬利亞帶伊的兄弟去揣伊，伊講"我的老母及我的兄弟，就是遮個聽上帝的道理來行的人" (路8:20-21) 。 5 耶穌上天以後，學生聚集聽候聖神，伊恬靜和怹做伙(徒1:13,14)     天主教拜馬利亞，超過基督 。天主教接受羅馬人"多神"觀念，向馬利亞、天使、聖人祈禱，看怹(in)做神；遮個攏無合聖經。 1 第4世紀以前，信徒稱呼馬利亞"聖母"，亦用像來紀念。 2 天主教給伊升格。根據民間的"傳統"，放棄"基督的老母"的稱呼，叫伊" 上帝的老母、天后、中保、輔助救贖主 ..."。 3 天主教堅持罪人欲得著基督的恩典，需要伊做中保。 4 天主教跪拜馬利亞，用稱呼上帝的話來向伊祈禱，來揣求祝福。 5 天主教堅持耶穌是上帝、亦應該是馬利亞的獨生囝，所以伊"永遠是在室女"(553)，既然基督無罪出世，"馬利亞無罪懷孕"(1854) 。 6 天主教宣佈馬利亞"出世、活咧"攏無瑕疵，伊死以後，身體及靈魂受"迎接(ngiâ-chih)上天"(1950)，成做天后，和聖囝做伙統治(1954)。     高舉聖經，堅持宗教改革的精神，以外無權威 。無綴天主教，怹無照...

      困境中揣(chhōe)幫贊 。孤單、絕望、痛苦的時，積極的人會去揣親人、朋友、社會等等來幫贊。咱若是抵著困境，上先著向上帝求。 1 主講：求，就互恁；揣，就抵著；拍門，就給恁開(太7:7)。 2 咱若照上帝的旨意求，伊就聽咱(約壹5:14)。著感謝過去所求、上帝賞賜的，閣排列、懇求頭前逐項事(腓4:6)。 3 求也無得著，因為濫糝(lām-sám)求，欲開用佇宴樂(雅4:3)。     趁上帝旨意，所求得著應允 。 1 上帝的旨意是咱著信靠伊、疼伊、疼人、過聖潔的生活。 2 哈拿無生囝，伊切切祈禱下(hē)願，上帝賜福伊生囝撒母耳(撒上1) 。 3 所羅門求上帝賞賜智慧的心，通判斷百姓，分別好歹(王上3:9)。     上帝憐憫，所求得著應允，雖然無合上帝旨意 。 1 上帝揀基甸做士師，伊三遍求神跡，才(chiah)𤆬(chhōa)以色列人出戰(士6)。 2 百姓佇西乃山腳拜金牛激上帝受氣，摩西求上帝赦免(出32) 。 3 以色列人棄拺(sak)上帝、無愛士師，求一個王管怹(in)𤆬怹交戰(撒上8) 。     祈求那親像(chhiūⁿ)無得著應允，著怎麼 ？ 1 著相信伊有聽你的禱告，繼續求(帖前5:17) (1)以色列人犯罪、受咒詛、受掠到巴比倫，上帝應允70冬後怹會倒去，但以理為這久久來祈禱，求憐憫(但9) (2)伊愛知咧欲 (tet-beh) 來的事，禁食三禮拜，才得著回應(但10) (3)迫切為朋友討餅，就欲得著餅(路11:5-8)。 2 著相信真理，求"上帝所期待的事"，無濫糝求個人的快活(khùiⁿ-o̍ah)。著讀"上帝的話"，揣求"上帝的心"，無因為代誌無照期待來餒(loé)志。 3 伊咧引𤆬咱"認罪悔改"。咱敢有對人拾( khioh )恨、講白賊、自私、怨妒？咱若無疼人、心內注重罪惡，主的確無欲聽(詩66:18)。 4 保羅講伊肉體內有刺，是撒但使者的攻擊，伊三擺求主，互刺離開，雖然無得著應允，伊掠這做警告，著謙卑。為著這個軟弱，主應允加添氣力，恩典有夠伊用(林後12:7-9)。 5 上帝若應允，抵(tī)時、用啥(siáⁿ)方式互咱，在佇伊，無抵(tú)抵照咱所求。

      耶穌佇地上做三件非常重要的代誌 ： 1 傳福音：包含傳道、醫病、趕鬼，互地上體驗著天國的實際。 2 訓練學生：(1)呼(kho͘)做團契，傳授真理知識 (2)做互怹(in)看，互怹體驗真理 (3)實習，派學生出去宣教、醫病、趕鬼 (4)事後檢討。 3 為世間人贖罪：伊為咱死、閣活，互死無閣掌權。     為著訓練學生續接伊傳天國的福音，耶穌用伊的行做互怹學 。 1 認捌家己：伊知影家己降世的目的、身份和使命。 2 積極行動：伊無嫌苦，四界傳道、醫病、趕鬼；最後閣上十字架。遮個行動表明上帝對人的疼，也顯出上帝的權能和榮耀。 3 和人和睦：(1)伊拍開心門，和人分享伊的憂傷，互人感覺自在和信任 (2)伊坦白對四圍的人，無論是知識份子、貪官、妓女，怹攏歡喜來綴伊 (3)伊和怹做伴，為怹祈禱、服事怹。     腓力是實用主義者 。伊熱心，追求真理，無合理氣就無接受，致到受束縛(pa̍k)，有時躊躇，有時看著負面，無積極去解決問題。 1 耶穌抵(tú)出來傳道，抵著腓力，給伊講：綴我(約1:43)。 2 耶穌召伊做學生了後，伊隨去報伊的朋友拿但業。伊承認耶穌是應允的彌賽亞，總是不過是“約瑟的囝拿撒勒人耶穌”(約1:45) 3 耶穌行神跡互五千人食飽。伊有先問，欲對叨落買餅來互怹食？伊應講，用二百銀買餅，亦無夠互逐人得著淡薄(約6:1–14)。 4 有耶路撒冷的希臘人愛捌耶穌，伊去給安得烈講(約12:20-22) 5 最後的晚餐了，耶穌講伊會離開怹，會閣來接怹，閣講恁捌我，就亦捌爸，亦捌看見爸，腓力求耶穌用爸互怹看(約14:1-11)。 6 腓力是"水變酒"及"飼飽五千人"神跡的見證人，是耶穌主動召的，亦是三年中暝日做伙的。過頭謹慎，互伊 的 心目受掩勘(am-khàm)。 7 耶穌閣活的消息，將四散的學生閣呼做伙；伊閣出現佇怹中間，衝擊怹固執的心，一時曉悟主平素講的話。通過祈禱，以及聖神做工，怹攏轉變，勇敢續接先生，四界宣揚天國的福音。

      以色列王亞哈激上帝受氣 ，伊𤆬百姓拜金牛、巴力、亞舍拉。 1 以利亞讖語炕旱(khòng-hān)無雨。上帝叫伊去匿(bih)基立溪邊，互烏鴉飼。溪水乾，叫伊去守寡 (chiú-kóaⁿ) 人遐。上帝互伊的麵粉、油攏無減。(王上17:9) 2 守寡人的囝破病，氣斷。以利亞求上帝，囡仔就回魂。 3 第三年上帝叫伊倒去。伊和亞哈、百姓，巴力的先知上迦密山求雨。巴力的先知起壇求叫巴力，總是無應答。以利亞起的壇閣祭物，上帝降火燒了一切。百姓仆(phak)拜耶和華，刣(thâi)死巴力的先知。 4 以利亞祈禱上帝七擺，雲對海過來，遮天、起風，就落雨。 5 王后耶洗別威脅欲刣伊。伊逃去曠野，佇樹腳吐氣、睏去。天使叫伊起來吃餅、啉水，然後伊行40暝日到西乃山，匿佇山洞。 6 耶和華叫伊出來，互伊看著伊的大權能(風透、山崩、石拍碎、火)，叫伊去給新的亞蘭王、以色列王，續接伊的以利沙抹油。 7 亞哈的囝破病欲問巴力，伊責備伊，天降火燒死欲掠伊的兵。 8 最後伊坐捲螺風上天，續接的以利沙求閣得著雙份感動伊的神。     以利亞有信心、祈禱有力，伊互百姓的心越倒轉 (雅5:17-18)。行洗禮的約翰亦有這款的心神、才能(路1:16,17) 1 以利亞的一生對上帝充滿信心：伊的祈禱，上帝應允。 2 伊相信上帝的攝(liap)理：匿佇基立溪邊、及守寡人遐，伊攏無受害。 3 炕旱的時伊匿溪邊，靠上帝一日一日的供應(藉烏鴉)；溪水一日一日減少，到 溪水乾，伊等待耶和華的話才振動。 伊學習 忍耐、 等待、謙卑、順服、遵趁上帝的旨意。 4 守寡人偆上尾一頓，伊靠信心講：雨落以前，麵粉和油攏袂減。 5 當寡婦的囝死，伊求上帝無因為伊降災禍；伊和咱有相仝的心。 6 伊祈禱，迦密山頂上帝顯出權能，互百姓免受巴力崇拜來迷惑。 7 伊也有人的軟弱：驚惶、失志、僥疑、絕望。迦密山事件了，伊受性命的威脅，信心搖動、心冷，選擇逃命閣求死。佇西乃山，上帝互伊明白伊掌管天地，閣人類歷史，互伊回復信心。

      上帝定著逐人一個計畫 。伊應允咱一生有伊的眷顧、攝(liap)理(provision)相綴(tòe)，互咱有能力有才調，完成伊互逐人無像(siâng)的計畫。 1 咱猶未(iáu-bōe)出世，上帝已經給咱的計畫寫佇伊的冊(詩139:16)。 2 上帝的信實，欲成伊應允的計畫(詩100:5)。咱需要的特質，到時就造佇咱身上(詩139:13)，閣佇咱的一生，安排經歷的逐坎 站 (khám-chām)，安排受造就的機會，來成伊的計畫。 3 當咱順服、信靠伊，就欲成伊佇咱身上所計劃的。     上帝揀選摩西，互伊𤆬(chhōa)以色列人，去到應允的迦南地 。上帝互伊有才調通𤆬眾百姓，有智識通教 怹(in) 遵守上帝的律法。 1 40歲以前：摩西佇王宮受教育，學習埃及人攏總的學問，講話行代誌攏有才能。為著正義，伊拍死欺負希伯來奴才的埃及人。 2 以後40冬：伊佇山裡顧羊，培養著謙卑、溫柔的個性。等待伊的性地改變，上帝佇𤏸(to̍h)火的刺柿(phè)中，召伊出來救百姓(出3-4)。 3 最後40冬：𤆬以色列人離開埃及，40冬佇曠野，直到咧欲 (teh-beh) 進入迦南地。伊教 怹 守律法，設管理制度，做好入應允的地的準備。       上帝欲互世間人知，伊的念頭呣(m̄)是咱會測度(to̍k) (賽55:8-9)。約伯問"歹代汰會發生佇好人？"上帝講，伊有至高的主權(羅9:15)。 1 約伯好額，伊完全閣正直，敬畏上帝，離開歹代(伯1:1)。 2 忽然，佇一日內伊失去所有的財富、囡仔。雖然大扒腹(pek-pak)，伊深信一切是上帝賞賜，上帝有權提倒去(伯1:21) 。 3 後來，伊對腳到頭生毒瘡受拖磨，伊的某講：棄絕你的上帝，來去死。伊回應：咱對上帝受福氣，豈無對伊受災禍嗎？(伯2:10) 4 伊的朋友和伊辯論， 怹 認為伊一定有犯罪才會受刑罰；伊相信上帝的信實，堅持家己無罪，總是愛知歹代汰會到佇伊(伯13:15) 。 5 最後上帝給約伯講，伊造萬物， 怹 的性人閣呣知，何況(hó͘ng)其他的事(天頂的)，約伯謙卑講，伊講伊所呣知的代誌(伯40:15-42:6)。 6 上帝閣一遍賞賜伊財產、囝兒(伯42:10-16)。咱若順趁(thàn)...